اولا اعرفكم على نفسي انا انسانه عادية من مصر طنطا عندي 23سنه الموضوع ياجماعه حصل من حوالي 4سنين كنت اياميها في الجامعه في سنه 3 اوك عمري ماحبيت حد في حياتي ولا اعرف يعني ايه الحب اللي كله بيتكلم عنه كنت في الكلية ملتزمة جدا وباعتبار اني من طنطا وكنت في جامعة عين شمس مكنتش مدية لنفسي فرصة اني حتى اعرف حد على سبيل الصداقه المهم في سنه 3 كان عندي ايماميها 19 سنه جت واحده بنت حلال صديقة امي تقريبا حست ان انا كبرت وفاتني قطر الجواز وحبت تعمل فيا معرف وتجوزني وكلمت امي على انسان على الوصف اللي هي قالته انه مفيش احسن من كده ماما فرحت جدا لاني بنتها الوحيدة المهم قالتلها نشوفه وقالت لبابا وكده وانا كنت متوترة جدا عارفين يعني ايه اول مرة اقعد امام عريس او بمعنى اصح راجل المهم وصل الاستاذ واتعرف على كل افراد الاسرة الا انا اتسمرت مكاني ومكنتش عايزة ادخل اصلا وماما تشد فيا وبنت صديقة ماما تشد فيا الى ان دخلت اخيرا ووشي في الارض وجلست امامه وهو اعجب بيا وانا مكنتش اعرف شكله ايه حتى المهم اتكلم كتير وفي وسط الكلام لقيت نفسي ببصله وقلبي كان مخطوف جدا كأني في الامتحانات ولما بصيتله قولت احمدك يارب ياريت يكون من نصيبي ياسلام على الاخلاق والتقوى والايمان اللي في كلامه بس هو انا عايزة ايه اكتر من انسان يتقي الله فيا وفي بيته ويكون عارف دينه يابختي بيه ده اللي قولته لنفسي المهم مشي من عندنا وصليت استخارة والحمد لله ارتحت وهو سأل علينا واحنا اندلقنا ورا كلام الست بنت الحلال وماسألناش عنه ودي الغلطه اللي وقعتنا في غلطات كتيييييييييير بعد كده وبعد يويمن كلم بابا في التليفون وقاله احنا جايين نقرا الفاتحة ونحدد كل شيئ وجاب العائلة الكريمة معاه وقرينا الفاتحه واتفقنا على كل شيئ تروح الايام وتيجي وبعد 4شهور خطوبه قال ياجماعه انا جالي فرصة سفر وعايز اتمم الزواج قبل السفر والاتفاق كان اني اخلص باقي سنه 3 وبعدين اتجوز المهم بابا رفض بشده علشان امتحاناتي وهو صمم على رأيه بيقت محتارة بين الاتنين وتوصل الامر الى ان بابا رضخ لمطالب كل العائلة في اني اتجوز علشان منضيعش عليه فرصة السفر المهم تم الزواج وتحول هذا الانسان البريء التقي الى انسان لايمت للتقوى باي صله من اول يوم والله زي مابقول من اول يوم ضرب واهانات فظيعه كأنه مسك حرامي لاحسيت اني عروسه ولا اعرف شئ عن الكلام ده فضلت الاهانت والضرب يزيد ويرجع بعد شوية يبكي ويقولي حقك عليا ومتقولي لحد وخليكي جنبي وانا من هبلي اسكت ويزيد في معاملته وانا ساكته اتعذبت كتييييييييييييييير ونفسيتي تعبت كتيييييييييييير واتضح ان مفيش سفر ولا حاجه وكان بيعمل كده علشان كان لسه في حاجات من الالتزامات اللي عليه في التجهيزات معملهاش واكن عايز اننا نعملها وبعد الجواز قالي على نيته دي وانا ساكته برضو معرفش ليه يمكن انا شخصيتي مكنتش لسه اتكونت اوانا سلبيه او علشان البيبي اللي كان في الطريق يجي ميلاقيش مشاكل بينا مش عارفه ايه اللي كان مصبرني على العيشه دي اللي كلها ذل واهانات وبخل وعدم تقدير واهمال وكل الصفات السيئه اللي ممكن تتخيلوها المهم مر4شهور متقطعين ووصلنا لحد رمضان وهو حارمني اني اشوف اهلي ولا اهلي يشوفوني وانا متعذبة لاني في مكان وهما في مكان ومحتاجه موصلات حتى لو مشيت من وراه مش معايا فلوس اركب بيها ونفسي اشوف اهلي بموت في اليوم الف مرة علشان الماعملة وحرماني من اهلي لحد ماقابلت امي في الشارع ماكنتش مصدقه نفسي جريت في حضنها هي واخي الوحيد وهو يشدني ويقولي مايصحش تحضني امك في الشارع؟؟؟؟؟؟؟؟؟؟؟؟؟؟ معرفش يعني ايه المهم اتطمنت عليهم وعلى بابا وامي قالتلي مش هسيبك لازم ناخدك معانا بقالنا 3شهور مش عارفين نوصلك قولتلها لا تخيلوا رفضت وقولتلها ده بيعاملني احسن معاملة؟؟؟؟؟؟؟؟ كل ده علشان اتقي شره علشان ده انسان مجرم سهل عليه يعمل اي حاجه تضر اي حد وقالهالي في مرة انتي متعرفيش في الشر بفكر ازاي انا لعنه ده كلامه عن نفسه بلسانه وانا خوفت يعمل في اهلي حاجه قولت انا استحمل مش مهم لحد مامر رمضان واهي يتصلوا بيا يقولهم الرقم غلط ومايقوليش وهما زعلو مني فكروا اني مش عايزة اكلمهم وجه العيد وقولتله انا عايزة اشوف اهلي قالي بصي يابنتي يانا يا اهلك يعني تختاري لو روحتي عند اهلك ماترجعيش تاني والله فرحت لما قالي كده ياتختاريني ونعيش نربي الطفل اللي جاي سوا بيني وبينكم احترت جدا بس فكرت اني اختار اهلي لان الزوج او الابن ممكن يتعوضوا لكن الاهل لا ولما قولتله اهلي جن جنونه ولقيته بيجيب حبل وربطني هو قوي جدا على فكرة يعني مكنتش بعرف اقاومه ربطني وهددني لو روحتي هخليكم تبوسوا ايدي علشان تعرفوا مكان اخوكي خوفت على اخويا على فكرة ده مش فيلم ده اللي حصلي بجد والله العظيم المهم فضلت ادعي ربنا يخلصني يااموت احسن وفكني بعد ماقولتله خلاص مش هروح وتعديى الليله دي عليا كأنها سنين بخلاف السنين اللي مرت قبل كده وانا شايفاه شيطان ادامي الصبح راح شغله وانا في حيرة نفسي امشي من السجن ده ومش معيا فلوس اركب بيها فضلت ادعي يارب افرجها واذا الجرس يدق فكرته رجع بس هو معاه مفتاح فتحت الباب؟؟؟؟؟؟؟؟؟؟؟؟؟؟؟؟؟؟ مين معقول انا بحلم اميييييييييييييييييييييييييييييي ماما وصلتلي اخيرا ماما ياجماعه خلاصي من العيشه الذل دي اول ماشوفتها قولتلها يلا نمشي من هنا قالتلي شكلك بقا عامل كده ليه بقا انتي اللي كل الناس كانت بتحلف بيها اخدت هدومي في شنطه ونزلنا جري خوفت يشوفنا والحمد لله وصلت بر الامان بيت اهلي ياااااااااااااااااااااااااااااااااااااااااااااااااااااااااااااااااااه
الحرية والامان بيت اهلي وتخيلوا كم المشاكل اللي حصلت بعد ماسيبت البيت بس في وسط اهلي اي حاجه تهون طبعا ظلمني في حقوقي ولما طلبت الطلاق كان شرطه اني اتنازل عن كل حاجه واتنازلت واخدت حريتي وابني اللي كنت خايفه عليه دلوقتي عايش احسن عيشه و انا كمان كملت دراستي واهلي مش مخليني محتاجه شيئ لا انا ولا ابني دي حكايتي ياجماعه بس انا رغم ده كله حاسه بالوحده حاسه اني محتاجه حب من نوع خاص نفسي احب واتحب بجد وباخلاص نفسي اعيش اللي اتحرمت منه نفسيييييييييييييي
